Zanga-Zangar Faransa| Ana cigabada samun arangama tsakanin jami'an tsaro da masu Zanga-Zanga a Faransa.

 

Kimanin 'yan sanda 13,000 ne aka jibge a fadin Faransa bayan da a makon da ya gabata aka ga tashin hankali mafi muni a  tsakanin masu zanga-zanga da jami'an tsaro.

Wani sabon rikici ya barke a Faransa a ranar Talata tsakanin masu zanga-zanga da 'yan sanda a yayin da dubban daruruwan mutane suka fantsama kan tituna domin nuna fushinsu ga sake fasalin kudin fansho na gwamnati da ya haifar da rikicin cikin gida.

Ranar zanga-zangar da yajin aikin da kungiyoyin kwadago suka kira a duk fadin kasar ita ce ta goma tun watan Janairu na adawa da dokar - wacce ta hada da shekarun ritaya daga 62 zuwa 64 - rikidewa zuwa babban kalubale ga shugaban Faransa Emmanuel Macron, da kuma haifar da rikici mafi girma a karo na biyu. 

An zargi  jami'an tsaron da  yin amfani da karfin tuwo, wanda hakan ya kara ruruta wutar rikicin.

A gabashin birnin Paris, 'yan sanda sun harba barkonon tsohuwa tare da kaddamar da tuhuma bayan wasu masu zanga-zangar sun kai farmaki kan wani kantin sayar da kayan abinci tare da tayar da gobara yayin da aka rufe taron a Place de la Nation. Hukumomin Faransa sun ce an kama akalla mutane 27.

Ma'aikatar harkokin cikin gida ta Faransa ta sanya adadin mutanen da suka fito a ranar Talata a fadin kasar ya kai kusan 740,000, kasa da masu zanga-zangar miliyan 1.09 da suka fito kan tituna a ranar Alhamis din da ta gabata.

Mutane sun dakatarda jiragen kasa a Gare de Lyon, daya daga cikin tashoshi mafi yawan jama'a a birnin Paris, suna tafiya kan layin dogo da kunna wuta a wani abin da suka kira nuna hadin kai ga wani ma'aikacin jirgin da ya rasa idonsa a wani gangamin da ya gabata. A Nantes, masu zanga-zangar sun jefi jami'an tsaro da suka harba hayaki mai sa hawaye, sannan an kona wani banki.

Kusan makwanni biyu bayan Macron ya tilastawa sabuwar dokar fansho  ta hanyar amfani da wani tanadi na musamman, kungiyoyin kwadagon sun lashi takobin cewa ba za su yi kasa a gwiwa ba wajen gudanar da zanga-zangar neman gwamnati ta ja baya.