Iran ta ce tana da hakkin mayar da martani ga Isra'ila bayan shahadantar jami'anta a Syria.

 

Kakakin ma'aikatar harkokin wajen kasar Iran ya lashi takobin daukar matakin shari'a a kan gwamnatin haramtacciyar kasar Isra'ila, yana mai cewa Iran tana da 'yancin mayar da martani ga gwamnatin sahyoniyawan a daidai lokaci da  jami'an IRGC biyu suka yi shahada a harin da Isra'ila ta kai a Siriya.

A cikin wata sanarwa da kakakin ma'aikatar harkokin wajen kasar Iran Nasser Kanaani ya fitar a yau Lahadi ya bayyana shahadar wasu mashawartan sojojin kasar Iran guda biyu a sakamakon harin wuce gona da iri da gwamnatin sahyoniyawan ta kai kan kasar Siriya.  

Kanaani da yake mika ta'aziyya ga iyalan jami'an IRGC guda biyu da suka yi shahada bayan da Isra'ila ta kaddamar da farmaki a yankin Damascus a ranar 31 ga watan Maris, Kanaani ya ce, ci gaba da hare-haren da gwamnatin sahyoniyawan 'yan ta'adda ke kai wa Siriya tamkar cin zarafi ne da cin zarafin kasar. da keta dokokin kasa da kasa, da kuma ci gaba da karfafa ta'addanci."

Kakakin ya kara da cewa, ba a zubar da jinin shahidan Iran masu daraja biyu a banza ba.

Baya ga daukar matakai na siyasa da na shari'a don bibiyar shari'ar irin wadannan tsauraran matakai na haramtacciyar kasar Isra'ila, Jamhuriyar Musulunci ta Iran "tana da hakkin mayar da martani kan ayyukan ta'addanci da gwamnatin haramtacciyar kasar Isra'ila ke daukar nauyinta a kan lokaci da kuma wurin da ya dace," in ji shi.

Wasu hafsoshi biyu na dakarun kare juyin juya halin Musulunci dake aiki a matsayin masu ba da shawara kan soji a kasar Siriya sun yi shahada a wani harin da Isra'ila ta kai a yankin da ke wajen birnin Damascus a ranar Juma'a.

An sanar da mutuwar Manjo Milad Heidari a ranar Juma’a, yayin da Kyaftin Meqdad Mahqani Jafarabadi yayi shahada a  yau Lahadi.

Kungiyar IRGC ta gargadi gwamnatin sahyoniyawan karya da muggan laifuka da cewa ko shakka babu za ta samu martani tare da biyan  laifuffukan da ta aikata.

A shekarun baya bayan nan dai gwamnatin haramtacciyar kasar Isra'ila ta kai hare-hare ta sama kan wasu yankuna da ke karkashin ikon gwamnatin kasar, ciki har da harba makami mai linzami guda biyu a cikin wannan watan a filin jirgin saman Aleppo, wanda shi ne karo na uku da sojojin na Isra'ila suka kai kan tashar jiragen sama cikin watanni shida. .

- Mahadi Tukur Almizan.