SHEIKH ZAKZAKY (H) YA MIKA SAKON TA'AZIYYA GA AL'UMMAR DA ABALIYAN RUWA YA RUTSA DASU A LIBYA.

 

Jagora Sheikh Ibraheem Zakzaky (H), ya Mika ta'aziyya ga al'ummar Libya da ma ɗaukacin al'ummar Musulmi dangane da mummunan bala'in ambaliyar ruwa da ya auku a gaɓar Bahar Rum na wannan ƙasar. Wanda kuma ya yi sanadin hasarar rayukan  dubban 'yan'uwanmu tare da haddasa ɓarna mai tarin yawa.

Duk a cikin sakon yake cewa "Abin baƙin ciki ne ganin wannan ya auku ne ƙasa da mako guda da yin girgizar ƙasa a Maghrib (Maroko) wanda ya yi sanadiyar rasa rayukan sama da mutane dubu uku.

Muna roƙon Allah Maɗaukakin Sarki Ya jiƙan waɗanda suka rasa rayukansu a wannan ambaliya, Ya kuma baiwa iyalansu haƙuri da juriya. Allah Ya gaggauta kawo sauƙi ga waɗanda suka sami raunuka.

Muna roƙon Allah Ta'ala da ya kiyaye aukuwar irin waɗannan musibu a duniyar Musulmi".

Sakon jajen yazo ne ta shafin shehin malamin na sada zumunta watohm  SAYYID IBRAHEEM ZAKZAKY OFFICE .

® Imamu Mahadi Umar kaita

    FFNG Hausa.