Hezbollah Na Cigaba Da Tarwatsa Iron Dome Ɗin Isra'ila.

 

Daga - Mahadi Tukur Almizan

Yanzu an wuce matakin cewa Iron Dome ɗin Isra'ila ya gaza wajen kare hare haren Hezbollah, yanzu har Iron Dome ɗin ake kaima hari.

A ranar Larabar da ta gabata rundunar Hezbollah ta hari tsarin tsaron sararin samaniyar Isra'ila da ake kira "Iron Dome Air Defence System" sun hari Iron Dome ɗin Isra'ila dake Ramot Naftali da missile.

Tashar talabijin ɗin ƙungiyar ta Hezbollah Al-Manar ce ta wallafa bidiyon harin na Hezbollah a garin na Ramot Naftali.

Faifain bidiyon ya nuna yadda missiles ɗin Hezbollah suka tarwatsa Iron Dome ɗin.

𝗬𝗼𝘂 𝘄𝗮𝗻𝘁𝗲𝗱 𝗽𝗿𝗼𝗼𝗳?

Here is your proof, Hezbollah destroyed the Israeli Iron-Dome using a simple drone…

𝗛𝗲𝘇𝗯𝗼𝗹𝗹𝗮𝗵 𝗽𝗿𝗼𝘃𝗲𝗱 𝘁𝗵𝗲 𝘄𝗼𝗿𝗹𝗱 𝗜𝘀𝗿𝗮𝗲𝗹 𝗶𝘀 𝗻𝗼𝘁 “𝘂𝗻𝗯𝗲𝗮𝘁𝗮𝗯𝗹𝗲” pic.twitter.com/YRkbOW3IwY

— Iran Spectator (@IranSpec) June 6, 2024

Hakanan kuma rundunar ta Hezbollah ta saki wani faifan bidiyon wani harin da ta kai kan Iron Dome ɗin a garin Zaoura dake Golan, Hezbollah ta hari wannan Iron Dome ɗin ne da Katyusha missile.

Kafar yaɗa labarai ta Al-Manar ta labarto cewa a ranar Talata Hezbollah ta kai adadin hare hare takwas, kuma ta yi ma Isra'ila ta'asa a wadannan hare hare.

Hakanan a ranar Alhamis rundunar ta Hezbollah ta kai wani kazamin hari kan sojin Isra'ila har wani sojan Isra'ila mai suna Sergeant Refael Kauders ya mutu sakamakon harin drone ɗin Hezbollah kamar yadda rundunar sojin Isra'ila ta wallafa a shafin ta.

A rahoton mai magana da rundunar sojin Isra'ila Lieutenant Colonel Peter Lerner ya bayyana cewa Sergeant Kauders mai kimanin shekaru 39 ya mutu a harin da Hezbollah ta kai garin Hurfeish dake arewacin Isra'ila.

Jaridar Israel Times ta labarto cewa harin ya raunata wasu sojoji 9, kuma a ciki akwai mai mummunan rauni.

Peter Lerner ya kara da cewa hare haren Hezbollah na kara ta'azzara kowace rana a kokarin su na raunana tsaron Isra'ila.