Isra'ila Ta Sake Kashe Wani Jami'in Ta Samer Al-Hajj.

 

Daga - Mahadi Tukur Almizan 

A wata sanarwa da ƙungiyar Hamas ta fitar, ta sanar da shahadar wani jami'in ta mai suna Samer Al-Hajj wanda harin da Isra'ila ta kai a birnin Sidon dake kudancin Lebanon ya shahadantar.

A jiya juma'a kafar yaɗa labarai ta Almayadeen ta wallafa labarin yadda jirgi maras matuƙi na Isra'ila ya tarwatsa wata motar fararen hula a birnin Sidon da ke kudancin Lebanon.

الاحتلال يغتال القيادي الأمني لحماس في مخيم عين الحلوة سامر الحاج ومرافقة في سيارة عند المدخل الجنوبي لمدينة #صيدا بلبنان. pic.twitter.com/9d34jqqVjO

— الشؤون العالمية (@mjrdzayr337191) August 9, 2024

Wakilin kafar ta Almayadeen ya bayyana cewa ya ga yadda masu bada agaji suka rika zaro gawarwaki daga cikin motar da jirgin na Isra'ila ya hara, bayan  sojojin Lebanon sun iso wurin da lamarin ya faru.

Bayan wannan hari al'ummar dake sansanin gudun hijira na Palasɗinawa 'Ain-Helweh' sun yi gangamin Allah wadai da wannan harin ta'addanci na Isra'ila.