Wani Bapalasɗine Ya Aika Jami'an Isra'ila Uku Zuwa Jahannama A West Bank.

 

Daga - Mahadi Tukur Almizan

Rahotanni sun nuna cewa Bapalasɗinen da ya aikata kisan ya yi nasarar guduwa daga muhallin da abun ya faru  kusa da shingen binciken soji na 'Tarqumiyah Military Checkpoint'

Jami'an na Isra'ila uku sun tafi jahannama sakamakon harbe su da aka yi a kudancin West Bank a unguwar al-Khalil a safiyar  ranar Lahadin makon da ya gabata kamar yadda kafar yaɗa labarai ta Almayadeen ta wallafa.

Jaridar Maariv ta Isra'ila ta bayyana cewa jami'an ƴan sandan Isra'ila 2 suna cikin mummunan yanayi sakamakon munanan raunuka da suka samu, ɗaya daga cikin su yana da mummunan raunin da ya samu na harbin bindiga da ya same shi a   gabashin shingen binciken soji na 'Tarqumiyah Military Checkpoint'.

Jami'an hukumar agajin gaggawa ta Isra'ila sun garzaya cikin gaggawa zuwa wurin da lamarin ya faru a arewa maso yammacin birnin al-Khalil.

Sai dai daga baya hukumar agajin ta Isra'ila ta fitar da sanarwar cewa  jami'an sojin Isra'ila uku da suka samu raunuka a harin duk sun mutu.

#WATCH | Israeli occupation ambulances move the wounded IOF soldiers as a result of a shooting operation in al-Khalil as military reinforcements arrive at the area.#WestBank #Palestine https://t.co/4fk3GZILeF

— Al Mayadeen English (@MayadeenEnglish) September 1, 2024

 

Daga baya kuma rundunar sojin na Isra'ila ta kara tura dakarun zuwa yankin da lamarin ya faru.

Kafar Rediyon rundunar sojin Isra'ila ta bayyana cewa harsasai 11 aka harba ma motocin da aka hara, kuma lamarin ya faru da tazarar kilomita 1 daga Checkpoint ɗin na Tarqumiyah.